Odatda limonni iste’mol qilamiz, ammo uning po‘stlog‘ini chiqindiga tashlaymiz. Bu — katta xato!
Qishloq xo‘jaligida bilim va innovatsiyalar milliy markazi tizimidagi akademik Mahmud Mirzayev nomidagi Bog‘dorchilik, uzumchilik va vinochilik ilmiy-tadqiqot instituti doktoranti Iroda Kasimova o‘z tadqiqotlari asosida limon po‘stlog‘i antibakterial, antioksidant va immunitetni mustahkamlovchi moddalarga boy ekanligini ta’kidlaydi.
“Limon po‘stlog‘idan siz qanday foydalanayapsiz?” — degan savol bilan jamoatchilikka murojaat qilib, o‘zining Facebook ijtimoiy tarmog‘idagi sahifasida limon po‘stlog‘ining foydali xususiyatlarini yoritib, jamoatchilikni undan samarali foydalanishga chaqirmoqda.
