Bugungi kunda agro sanoat majmuasida zamonaviy yondashuv va yuqori malakali kadrlar tayyorlash dolzarb ahamiyat kasb etmoqda. Shu munosabat bilan, O‘zbekiston Respublikasi Vazirlar Mahkamasining 2023 — yil 11 — yanvardagi 11-sonli qarori 6-bandi ijrosini taʼminlash hamda Qishloq xo‘jaligi vazirining topshirig‘i asosida Andijon viloyatida malaka oshirish darslari tashkil etildi.
Ushbu o‘quv jarayonida paxta-to‘qimachilik klasterlari tizimidagi paxta tozalash korxonalarining bosh muhandislari, mexaniklari, texnika va yong‘in xavfsizligi muhandislari, texnologlari, laboratoriya mudirlari, laborantlar hamda 1-, 2-, 3-zona tovarshunoslari ishtirok etdi.
O‘quv kurslariga Tolali ekinlar ilmiy-tadqiqot instituti direktori, texnika fanlari doktori, professor T. Quliyev rahbarlik qildi.
Kurs yakunida ishtirokchilarga maxsus test savollari tarqatildi va natijalarga ko‘ra eng yuqori ball to‘plagan mutaxassislarga sertifikatlar topshirildi.
