Bugun Qishloq xo’jaligida bilim va innovatsiyalar milliy markazi direktori o’rinbosari lavozimiga Sohib Islamov tayinlandi. Shu munosabat bilan Milliy markazda tashkiliy yig’ilish o’tkazilib, yangi rahbar o’rinbosari jamoaga tanishtirildi. Yig’ilishda qishloq xo’jaligi vaziri o’rinbosari Qahramon Yo’ldoshev, vazirlikning mas’ul xodimlari hamda ilmiy-tadqiqot institutlari rahbarlari ishtirok etdi.
Sohib Yaxshibekovich, o’zining boy tajribasi, ilmiy salohiyati va tashabbuskorligi bilan qishloq xo’jaligi boshqaruvida o’z o’rniga ega mutaxassis sanaladi. Uning Milliy markazdagi sohada amalga oshiriladigan islohotlarni yanada samarali bajarilishiga xizmat qiladi — dedi vazir o’rinbosari Qahramon Yo’ldoshev.