
Sholichilik ilmiy-tadqiqot instituti tomonidan 2022-yil 25-noyabr kuni Toshkentda “Respublikaning tuproq-iqlim sharoitiga mos sholi va dukkakli ekinlarning yangi navlarini yaratish, resurs tejovchi agrotexnologiyalarini ishlab chiqish va birlamchi urug‘chiligini tashkil etish” mavzusida mahalliy respublika ilmiy-amaliy konferensiyasi bo‘lib o‘tdi. Anjumanga taqdim etilgan ilmiy maqolalar yagona to‘plamga jamlandi.
To‘plamda sholi va dukkakli ekinlarning yangi navlarini yaratish, ularning seleksiyasi va birlamchi urug‘chiligi, sholidan oldin ekiladigan don va dukkakli-don ekinlarini yetishtirishda innovatsion texnologiyalar, ekinlarni kasallik, begona o‘t va zararkunandalardan himoya qilish hamda suvni tejaydigan agrotexnologiyalar bo‘yicha tadqiqot natijalari keltirilgan. Materiallardan agrosanoat majmui mutaxassislari, ilmiy-tadqiqot institutlari va oliy ta’lim muassasalarining tadqiqotchilari, magistrantlar va barcha qiziquvchilar foydalanishi mumkin.
To‘plam haqida
- Tashkilotchi: Sholichilik ilmiy-tadqiqot instituti (Qishloq xo‘jaligida bilim va innovatsiyalar milliy markazi tizimida)
- Sana va joy: 2022-yil 25-noyabr, Toshkent
- Hajmi: 400 bet, 100 dan ortiq maqola
- Tili: asosan o‘zbek tilida (kirill yozuvida), ayrim maqolalar lotin yozuvida va rus tilida
- Tashkiliy qo‘mita raisi: q.x.f.d., katta ilmiy xodim M.A. Sattarov
To‘plam sho‘balari
- Respublikaning tuproq-iqlim sharoitlariga mos sholi va dukkakli ekinlarning yangi navlarini yaratish hamda ularning seleksiyasi, birlamchi urug‘chiligini yo‘lga qo‘yish
- Sholi-o‘tmishdosh (don, dukkakli-don) ekinlar yetishtirish majmuida innovatsion texnologiyalardan foydalanish istiqbollari
- Sholi va dukkakli-don ekinlarini zararli organizmlardan (kasallik, begona o‘t va zararkunanda) himoya qilishning innovatsion agrotexnologiyasi



