Ayni daqiqalarda Milliy markaz tizimidagi Sholichilik ilmiy-tadqiqot institutida “Sholichilik sohasida yangi zamonaviy agrotexnologiyalarni qo‘llash” mavzusida seminar o‘tkazilmoqda.
Seminarni Milliy markaz bo‘lim boshlig‘i O‘lmas Sobitov kirish so‘zi bilan ochib, sholichilikda so‘nggi yillarda yangi zamonaviy agrotexnologiyalarni qo‘llash hosildorlikni oshirish, suv va boshqa resurslarni tejashdagi ahamiyati haqida to‘xtaldi.
Shuningdek, u o‘z nutqida ilmiy muassasaning Koreya Respublikasining O‘zbekistondagi KOPIA markazi bilan hamkorlikda sholichilikni mexanizatsiyalash hamda bir maydondan bir yilda ikki marta hosil olishga qaratilgan yirik loyihaning ijobiy natijalar berayotganini ta’kidladi. Bu esa nafaqat sholichilik ilmiga, balki mamlakatimizda oziq-ovqat xavfsizligini ta’minlashga ham xizmat qiladi.
